Uni
.
.
ပိုးဟပ်ဖြူကို ကသောင်းကနင်းဖွင့်ပြောလိုက်ရတာမို့ ကျော်နေမင်း စိတ်ထဲ သိပ််မကျေနပ်။ တကယ်ဆို သူက ဇာတ်ကားတွေထဲကလို ရိုမန့်တစ်ဆန်ဆန်ဖွင့်ပြောချင်တာဖြစ်သည်။ အခုလည်း နောက်တော့မကျသေးပါ။ ပိုးဟပ်ဖြူ အဖြေမပေးသေးခင် သူ့ဘက်က ချိုချိုအီအီလေးတွေဖန်တီးလို့ရသေးသည်။
" အဖြေ စဥ်းစားပြီးပြီလား ''
စာရိုက်ပြီး ပိုးဟပ်ဖြူဆီပို့လိုက်သည်။ စိတ်ထဲမှာ ဇွတ်တွေ ရိုမန့်တစ်နေပေမယ့် အပြင်မှာတော့ ကျော်နေမင်းက ဒီလောက်ပဲရသည်။
" No မအားသေးဘူး ''
ဟားးး.... ချေလိုက်တဲ့ ပိုးဟပ်ဖြူ။
.
.
ညပိုင်းကျ ဂိုက်မဝင်ရဘဲ စာစစ်ရသည်။ ဂိုက်ဝင်ရင် မိန်းကလေးဆောင် ယောက်ျားလေးဆောင်သီးသန့်စီမို့ ဘုရားဝတ်တက်ချိန်ပဲတွေ့ရပေမယ့် စာစစ်ရင်တော့ တစ်နေရာတည်းမှာ စစ်ကြတာမို့ တွေ့ခွင့်ရသည်။
စာစစ်တဲ့ ခုံတန်းတွေမှာ ပိုးဟပ်ဖြူကိုလိုက်ရှာလိုက်သည်။ အမှတ်ပေး စည်းမျဥ်းဆွဲတဲ့ ဆရာမက မလာသေးတာမို့ ဘေးမှာ မိန်းကလေးတစ်ယောက်နဲ့တွတ်ထိုးနေတာတွေ့၏။ ခုံက သုံးယောက်ထိုင်လို့ရတာမို့ ပိုးဟပ်ဖြူဘေးမှာပဲ ခပ်တည်တည်ဝင်ထိုင်ချလိုက်သည်။
" ဟဲ့ နေရာကြပ်တယ် ''
ပိုးဟပ်ဖြူဘေးမှာထိုင်နေတဲ့ တစ်ယောက်က မလိုလားသလို ပြောလာသည်။
" ကြပ်ရင် နင်ပြောင်းထိုင်လိုက် ''
တခြားခုံတွေရှိပေမယ့် ပိုးဟပ်ဖြူအနား ပေကပ်ပြီးထိုင်နေလိုက်၏။ ဘေးက မိန်းကလေးကလည်း လူကောင်နည်းနည်းကြီးပြီး သူကလည်း လူကောင်ထွားတာမို့ ခပ်သေးသေး ပိုးဟပ်ဖြူက အလည်မှာ ကြားညပ်နေတော့သည်။
" ကြပ်ပါတယ်ဆိုမှ ကျော်နေမင်း ''
ထပ်ပြောလာတဲ့ ဘေးက သူငယ်ချင်းကို မင်းခန့်ညား မျက်နှာသေနဲ့စိုက်ကြည့်ပေးလိုက်သည်။
" ကဲ ငါပဲ နေရာရွှေ့လိုက်မယ် ''
အတင်းကပ်နေတဲ့ သူ့ကြောင့် မျက်နှာပူဟန်ရှိနေတဲ့ ပိုးဟပ်ဖြူက နေရာမှထကာ ခုံအလွတ်တစ်ခုစီ သွားထိုင်တော့ သူပိုသဘောကျသွားသည်။ နေချင်တာ နှစ်ယောက်တည်းလေ။ ထောင့်စွန်းကျပြီး နောက်ဆုံးခုံမို့ အီစီကလီလုပ်ရမည်။
YOU ARE READING
မခွဲအတူ
Teen Fictionငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း
