Uni
.
." မနက်ဖြန် လာခေါ်မယ်။ ဘယ်သွားချင်လဲ ''
ဖုန်းချပြီးပြီးချင်းကို ကျော့်ဆီက စာဝင်လာတော့သည်။ နေခြည် လာမခေါ်ခိုင်းရဲပါ။
" မုန့်ဆိုင် တစ်ခုခုမှာ ထိုင်မယ်လေ။ ဘယ်အချိန်လာရမလဲ ''
လူပြတ်တဲ့နေရာတွေမှာလည်း နေခြည် ချိန်းမတွေ့ရဲပါ။ မမက ဘယ်သူ့ကိုမှ အယုံမလွယ်ရဟု သင်ပေးထားသည်။ ကျော့်ကို မယုံတာမဟုတ်ပေမယ့် ကာကွယ်သင့်တာ ကာကွယ်ထားရမည်ဟု နေခြည် တွေးမိသည်။
" လာခေါ်ပါမယ်ဆို ''
" မခေါ်နဲ့။ ငါရှက်တယ်။ ''
ပိုးဟပ်ဖြူရဲ့ စာကိုဖတ်ပြီး ကျော်နေမင်း သိပ်တော့ ဘဝင်မကျ။ ချစ်သူဖြစ်ပြီပဲဟာကို။ ခုမှ ဦးဦးဖျားဖျားလေးမို့ ရှက်နေမှာပေါ့ ဟု ဖြည့်တွေးလိုက်သည်။
" ၁၀ နာရီလောက်လာမလား။ အရင်တစ်ခါ ထိုင်ကြတဲ့ ဆိုင်ကိုပဲ ''
" အင်း ''
" ချစ်တယ် ''
ကျော့်ရဲ့ ချစ်စကားက နေခြည့်ရင်ထဲနွေးသွားစေသည်။.
" အင်း ''
" ချစ်လား ''
" အင်း ''
ရှက်တာမို့ အင်း တစ်လုံးပဲ ပြန်ပို့လိုက်သည်။
" မချစ်ဘူးလားလို့ ''
" ကျော်နော် ဖြေပြီးသားကို ''
" ချစ်တယ် လို့ပြော ''
" အိပ်တော့မယ် ''
" မရဘူး ချစ်တယ်လို့ပြော ''
... ချစ်တယ် လို့ပြော.....
Voice msg ပို့လာတဲ့ ကျော့်အသံကြီးက ချွဲအီနေသည်။
" ချစ်တယ် ''
နေခြည် စာပို့ပြီးပြီးချင်း လိုင်းပေါ်က ဆင်းပြီး ဖုန်းကိုပါ aeroplane mode ချထားလိုက်ရသည်။ တဒိန်းဒိန်း ခုန်ပေါက်နေတဲ့ ရင်ဘတ်ကို အသာဖိထားရင်း ကျော့်အသံကို ပြန်ကြားယောင်ကာ အပြုံးတွေက အဆုံးမသတ်နိုင်တော့ပေ။
.
.ပိုးဟပ်ဖြူ ဆီက ချစ်တယ် ဆိုတာလေးဖတ်လိုက်ရတော့ ကျော်နေမင်း သွားမစေ့နိုင်အောင် ပြုံးပျော်နေတော့သည်။ အိပ်ယာပေါ် လှဲချပြီး ဘေးက ခေါင်းအုံးကို ဆွဲယူကို ကိုက်ထားလိုက်တာတောင် အသည်းယားနေတာက ပျောက်မသွား။ ချစ်သူတွေဖြစ်ပြီဆိုတော့ တွေ့ရင် ဖက်နမ်းလို့ရပြီ ထင်တယ်။ အသည်းတွေ အူတွေယားနေသမျှ တွေ့မှ အတိုးချပြီး ဖက်နမ်းပစ်လိုက်ဦးမယ် ဟု တွေးနေမိသည်။
.
.
DU LIEST GERADE
မခွဲအတူ
Jugendliteraturငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း