Uni
.
.
" ဘုရားသွားကြမယ်နော် မ ''
" ဟုတ် ''
သဇင်ပန်းတွေနဲ့အပြိုင် အလှကြီးလှနေတဲ့ မဇင်မီကို ထွန်းလင်း လည်ပင်းစောင်းမတတ်လှည့်ကြည့်နေမိသည်။
" ကိုလင်း ရှေ့ကြည့်မောင်းပါဦး ''
မဇင်မီဆီက ရှက်သံဝဲဝဲလေးနဲ့ သတိပေးသံကိုကြားမှ ရှေ့တည့်တည့်လှည့်ကာ ကားမောင်းတာကို ဂရုစိုက်မိသည်။
" တကယ်တော့ ဒီနေ့က ကျွန်တော့်ဆိုင် လက်မလည်အောင်ရောင်းရမယ့်နေ့။ ပိတ်ရက်တွေဆို လူကျတတ်တယ်လေ ''
" ဪ ''
" ဒါတောင် ဆိုင်ပိတ်လာတယ်ဆိုတော့ ကျွန်တော့်အတွက် မ က ဘယ်လောက်အရေးပါလဲ သိရဲ့လား ''
" ကိုလင်း ကလည်း ''
မဇင်မီက ပုံမှန်ဆို မရှက်တတ်ပေမယ့် ကိုထွန်းလင်းဆီက ကဗျာဆန်ဆန် ချစ်ကြောင်းကြိုက်ကြောင်းတွေ ပြောလာလျှင်တော့ မျက်နှာလေး ရဲလာသည်အထိရှက်တတ်သည်။ မဇင်မီ ရှက်သွားလျှင် သူနဲ့ မျက်လုံးချင်းဆုံအောင်မကြည့်တော့ပေ။
" တကယ်ပြောတာ။ ကျွန်တော်ရှက်ရှက်နဲ့ပဲ ဝန်ခံလိုက်ဦးမယ်။ မ ပထမဆုံး ကျွန်တော့်ဆိုင်လာမယ်ပြောတုန်းက ဆံပင်ညှပ်ပြီး အေပရွန်တောင် အသစ်ဝယ်ဝတ်တာ သိရဲ့လား ''
ပြောရင်း ကိုထွန်းလင်းက သဘောတကျပြုံးနေလေသည်။
.
.
ဘုရားကြီးရောက်တော့ ကိုထွန်းလင်းက ဇင်မီ့ဖိနပ်ကို သူကိုယ်တိုင်ကိုင်ကာ အပ်လေ၏။ ဇင်မီကတော့ အားနာမဆုံးဖြစ်နေပေမယ့် ကိုထွန်းလင်းကတော့ အပျော်ကြီးပျော်နေတာ သိသာလှသည်။
" မ ''
" ဟင် ''
" ကျွန်တော့်လက်ကို ချိတ်ထားပါလား ''
" ရှင် ''
မဇင်မီက ကြောင်အမ်းအမ်းလေးဖြစ်သွားတာမို့ သူလည်း စကားဆက်ပြောမနေတော့ဘဲ လက်ကလေးတစ်ဖက်ကို ဆွဲယူကာ သူ့လက်ဖျံမှာ ချိတ်ထားလိုက်သည်။
" ချစ်သူတွေပဲဟာ ''
" အဟင်းဟင်းး...''
ခပ်တိုးတိုး သူဆိုတော့ မဇင်မီက ရှက်ရမ်းရမ်းကာ ခပ်သောသောလေးရယ်သည်။ မဇင်မီ ထိုကဲ့သို့ ရယ်လိုက်တိုင်းလည်း သူ့ရင်ထဲမှာ လှိုင်းခတ်သွားလေ့ရှိ၏။
CITEȘTI
မခွဲအတူ
Ficțiune adolescențiငယ်ငယ်ကတည်းက ရင့်ကျက်ပြီး အတန်းခေါင်းဆောင်အမြဲလုပ်ရတဲ့ ကောင်လေး ကျော်နေမင်း ခြူခြာလွန်းလို့ ကျော်နေမင်းက ပိုးဟပ်ဖြူလို့ နာမည်ပေးခံရတဲ့ ကောင်မလေး နေခြည်ထွန်း
